'کورونا سے مقابلہ کرنے کے لیے بونيار کے ہسپتال تیار'

بلاک میڈیکل افسر بونيار پرویز مسعودی نے کہا اس سے قبل بھی ہم نے کورونا وبا کا کامیابی کے ساتھ مقابلہ کیا جس کی بدولت اس مرض کو قابو کیا گیا تھا تاہم دوسری لہر کافی شدید ہے اس لئے لوگوں کا تعاون لازمی ہے۔

کووڈ کی دوسری لہر جاری ہے لیکن تحصیل بونيار بارہمولہ کے ہسپتال اس سے لڑنے کے لئے پوری طرح تیار ہے۔ ان باتوں کا اظہار بلاک میڈیکل افسر بونيار پرویز مسعودی نے کیا۔

بلاک میڈیکل افسر بونيار پرویز مسعودی نے ای ٹی وی بھارت سے بات کرتے ہوئے کہا تحصیل بونيار میں اس وقت 28 افراد مثبت ہیں۔ انہوں نے کہا علاقہ میں ایک کووڈ ہسپتال ہے جس میں 25 بیڈ موجود ہے۔انہوں نے تحصیل بونيار کی عوام سے اپیل کی ہے کہ زیادہ سے زیادہ اپنے گھروں میں ہی رہیں اور احتیاطی تدابیر پر عمل کریں۔

انہوں نے کہا اس سے قبل بھی ہم نے کورونا وبا کا کامیابی کے ساتھ مقابلہ کیا جس کی بدولت اس مرض کو قابو کیا گیا تھا تاہم دوسری لہر کافی شدید ہے اس لئے لوگوں کا تعاون لازمی ہے۔

بلاک میڈیکل افسر بونیار نے عوام سے اپیل کی کہ وہ ٹیکہ کاری مہم میں بڑھ چڑھ کر حصہ لے تاکہ اس مہلک وبا سے نجات مل سکے۔