شمالی کشمیر کے ضلع بارہمولہ کے سوپور قصبہ سے تعلق رکھنے والی مارشل آرٹ کی کھلاڑی عروبہ جاوید نہایت ہونہار ہیں لیکن حکومت کے کھوکھلے وعدوں سے کافی مایوس ہیں۔
عروبہ کا کہنا ہے کہ اس نے جموں و کشمیر سمیت بھارت کی مختلف ریاستوں میں اپنے فن کا مظاہرہ کیا ہے اور گزشتہ برس جموں میں 'قے چیمپین شپ' میں سونے کا تمغہ حاصل کیا لیکن موجودہ وقت میں وسائل نہ ہونے کی وجہ سے انہیں دشواریوں کا سامنا کرنا پڑ رہا ہے۔
عروبہ نے کہا کہ جہاں ایک طرف حکومت کھیل کود کو فروغ دینے کے لئے بلند و بانگ دعوے کرتی ہے وہیں دوسری جانب کھلاڑیوں بالخصوص لڑکیوں کو نظرانداز کیا جاتا ہے جس سے ان کی حوصلہ شکنی ہوتی ہے۔
یہ بھی پڑھیں: فن خطاطی کا درخشاں ستارہ: میثاق النبی
عروبہ نے حکومت سے التماس کیا ہے کہ وہ نوجوان کھلاڑیوں خاص کر لڑکیوں کو آگے بڑھنے کے مواقع فراہم کریں تاکہ انکی حوصلہ افزائی ہوسکے نیز وہ قومی اور عالمی سطح پر خطے کا نام روشن کریں۔
