شمالی کشمیر کے ضلع بارہمولہ کے تحصیل ہیڈ کوارٹر سوپور سے 12 کلو میٹر دور ہردوشیواہ نامی گاؤں کو ضلع انتظامیہ کی طرف سے الرٹ زون قرار دیا گیا ہے۔ اور اس حوالے سے کل ایک حکم نامہ بھی جاری کیا گیا تھا کہ کچھ روز قبل علاقہ میں کوے اور باقی پرندوں کو مردہ حالت میں پایا گیا تھا جس کے نتیجے میں علاقہ میں برڈ فلو کی خبریں سوشل میڈیا پر گشت کرنے لگی۔ تاہم حکام کا کہنا ہے کہ صورتحال قابو میں ہے اور گھبرانے کی کوئی ضرورت نہیں ہے۔
لوگوں نے اس حوالے سے ای ٹی وی بھارت کو بتایا کہ محکمہ کی طرف سے لاپروائی کی گئی ہے جس کی وجہ سے یہاں پر برڈ فلو پھیلنے کا زیادہ خدشہ پیدا ہوگیا، کیونکہ محکمہ نے پہلے اس کو سنجیدگی سے نہیں لیا اور نہ ہی انتظامیہ نے کوئی ٹیم علاقہ میں روانہ کی تھی جس کے چلتے یہاں کے لوگوں کے اندر کافی غصہ موجود ہیں۔
انہوں نے مزید بتایا کہ اگر اس بیماری کا دائرہ بڑھ گیا تو اس کی ذمہ داری محکمہ پر عاید ہوگی اور اس کا جواب بھی ان ہی کو دینا ہوگا۔
آج اسی اثناء میں ڈزیر انویسٹی گیشن ٹیم، محکمہ انیمل ہسبنڈری اور محکمہ وائلڈ لائف کے ملازموں نے علاقہ ہردوشیواہ کا ازخود جائزہ لیکر وہاں پر مردہ جانوروں اور پرندوں کے علاوہ گھر گھر جاکر مرغیوں کے نمونے حاصل کئے۔
یاد رہے کل ان مردہ پرندوں اور جانوروں کی رپورٹ مثبت نکلنے پر ہردوشیواہ کو ضلع انتظامیہ نے الرٹ زون قرار دیا تھا۔
ڈزیر انویسٹی گیشن ٹیم ڈاکٹر دلجیت سنگھ کی قیادت میں تشکیل دیکر علاقہ میں روانہ کی گئی جہاں انہوں نے پرندوں کے نمونے حاصل کئے۔ انہوں نے بتایا فی الحال علاقہ میں برڈ فلو صرف کووں میں پایا گیا ہے
انہوں نے مزید بتایا کہ لوگوں سے اپیل اور گزارش کی جاتی ہے کہ گھبرانے کی کوئی ضرورت نہیں ہے، کیونکہ محکمہ اس معاملے میں پورے سنجیدگی سے کام کررہا ہے۔
انہوں نے کہا نمونے حاصل کرکے ٹیسٹ کیلے باہر روانہ کئے گئے ہیں اور علاقہ ہردوشیواہ کے ساتھ ساتھ باقی جگہوں پر بھی نظر رکھی جارہی ہے تاکہ برڈ فلو پر قابو پایا جاسکے۔
