ذرائع کے مطابق سوپور وٹلب کے علاقے میں موٹر سائیکل حادثے میں دو افراد شدید طور سے زخمی ہوگئے جس کے بعد ان کو فوری طور پر نزدیکی اسپتال میں لے جایا گیا، جہاں سے دونوں کو علاج معالجے کے لیے سب ڈسٹرکٹ اسپتال سوپور منتقل کردیا گیا۔
سوپور پولیس نے تصدیق کرتے ہوئے بتایا کہ اطلاع ملنے کے بعد پولیس کی ایک ٹیم موقع پر پہنچی اور دونوں زخمیوں کو اسپتال پہنچایا جہاں ایک شخص اپنے زخموں کی تاب نہ لاسکا اور اس کی موت ہوگئی۔
پولیس نے مرنے والے نوجوان کی شناخت شفقت احمد ولد شرافت علی کی طور پر ہوئی ہے جو وارپورہ سوپور کا رہنے والا ہے، جبکہ زخمی شخص کی شناخت امیر علی ولد علی محمد کے طور پر ہوئی ہے ۔
