ضلع بارہمولہ کے سوپور اور رفیع آباد سے تعلق رکھنے والے جسمانی طور پر ناخیز تقریباً 150 افراد کو وہیل چیئر، آلہ سماعت، ٹرائیسکل سمیت مختلف اشیاء مفت فراہم کی گئیں۔
محکمہ سوشل ویلفیئر اور آرٹفیشل لمبس مینوفیکچیرینگ کارپوریشن آف انڈیا (ALMC) کے باہمی اشتراک سے آلات تقسیم کی گئیں۔
سوشل ویلفیئر کے آفیسران کے مطابق علاقے میں جسمانی طور ناخیز ضرورتمند اور غریب افراد کی نشاندہی کرکے جمعہ کو ایک تقریب کے دوان وہیل چیئر، آلہ سماعت، ٹرائیسیکل سمیت مختلف آلات مفت تقسیم کیے گئے۔
انہوں نے کہا کہ مستقبل میں بھی اس طرح کے پروگرامز کا انعقاد کرکے جسمانی طور ناخیز افراد کی معاونت کا سلسلہ جاری رہے گا۔
مزید پڑھیں: بانڈی پورہ: جسمانی طور پر معذور افراد میں اشیائے ضروریہ تقسیم
انہوں نے مزید کہا کہ پروگرام کے دوان جسمانی طور ناخیز افراد کو مرکزی و یوٹی سرکار کی جانب سے وضع کی گئی مختلف اسکیموں سے متعلق بھی آگہی فراہم کی گئی۔
دریں اثناء، شمالی کشمیر کے ضلع بانڈی پورہ میں بھی محکمہ سوشل ویلفیئر کی جانب سے ضلع کے اجر علاقے میں ایک کیمپ منعقد کیا گیا جس میں جسمانی طور ناخیز 122افراد میں مختلف آلات تقسیم کیے گئے۔
