اوڑی کے بالائی علاقوں میں برفباری

سرحدی قصبہ اوڑی کے میدانی علاقوں میں بارشوں جبکہ پہاڑی علاقوں میں وقفہ وقفہ سے برفباری کا سلسلہ جاری ہے۔

ضلع بارہمولہ میں قصبہ اوڑی کے پہاڑی علاقوں -نمبلا، گرکوٹ، بابا فريد، کمل کوٹ، حاجی پير اور بونيار وغیرہ شامل ہیں - میں تازہ برفباری ہوئی، جبکہ میدانی علاقوں میں بارشوں کا سلسلہ جاری ہے۔

محکمہ موسمیات کی پیش گوئی کے عین مطابق جمعرات سے ہی وادی کشمیر کے بیشتر میدانی علاقوں میں بارشیں جبکہ بالائی علاقوں میں تازہ برف باری ہوئی، محکمہ موسمیات نے 24اپریل سے موسم میں بہتری کی پیش گوئی کی ہے۔

وادی کشمیر میں تازہ بارشوں اور برف باری کے سبب سردی کی شدت میں مزید اضافہ ہوا ہے۔

سردی سے بچنے کے لیے لوگوں نے گرم ملبوسات زیب تن کئے ہوئے ہیں جبکہ گرمی دینے والے آلات با لخصوص کانگڑیوں اور الیکٹرک ہیٹر کا دوبارہ استعمال شروع کیا گیا ہے۔