ضلع بارہمولہ کے بوٹینگو، سوپور سے تعلق رکھنے والے ایک نوجوان کو وارپورہ پولیس نے قصبہ کے چنار کراسنگ کے نزدیک نشیلی ادوات کے ساتھ گرفتار کر لیا۔
پولیس ذرائع کے مطابق وارپورہ پولیس نے مصدقہ اطلاع موصول ہونے کے بعد پیر کی شام کو قصبہ کے چنار کراسنگ کے نزدیک ناکے کے دوران ایک نوجوان کو منشیات سمیت گرفتار کر لیا۔
ذرائع کے مطابق مذکورہ نوجوان کی تحویل سے 192کیپسول برآمد کیے گئے۔ گرفتار شدہ شخص کی شناخت بلال احمد لون ولد عبدالغنی لون ساکنہ بوٹینگو، سوپور کے طور پر ہوئی ہے۔
اس ضمن میں وارپورہ پولیس نے ایک کیس زیر نمبر 04/2020 U/S 8/22 NDPS ایکٹ کے تحت درج کرکے مزید تفتیش شروع کر دی ہے۔
دریں اثناء پولیس نے عوام سے منشیات اور منشیات فروشوں کے خلاف پولیس کا تعاون دینے کی اپیل کی ہے۔
