سوپور: طبی کیمپ کے دوران ادویات مفت تقسیم

شمالی کشمیر کے قصبہ سوپور میں سی آر پی ایف کی جانب سے طبی کیمپ کا انعقاد کیا گیا۔

ضلع بارہمولہ کے امرگڑھ، سوپور میں سی آر پی ایف کی 177بٹالین نے میڈیکل کیمپ کا انعقاد کیا جس میں آئے مقامی لوگوں کا معائنہ کرنے کے علاوہ مریضوں کو مفت ادویات بھی تقسیم کی گئیں۔

ای ٹی وی بھارت کے ساتھ بات کرتے ہوئے مقامی باشندوں نے سی آر پی ایف کے اقدام کی سراہنا کی۔ انہوں نے کہا: ’’عالمی وبا کے پھیلائو کے دوران اسپتالوں کا رخ کرنے میں سبھی افراد خوف محسوس کرتے ہیں۔ اس اثنا میں اس طرح کے کیمپس سے لوگوں کو کافی راحت پہنچتی ہے۔‘‘

سی آر پی ایف کے ایک افسر نے میڈیا کے ساتھ بات کرتے ہوے بتایا کہ ’’اس طرح کے پروگرام سے لوگوں کو راحت پہنچانا مقصود ہے، اور فوج و پولیس کی جانب سے آئندہ بھی اس طرح کے پروگرامز کا انعقاد کیا جائے گا۔‘‘

انہوں نے کیمپ کے حوالے سے تفصیلات فراہم کرتے ہوئے کہا کہ تقریبا 200مریضوں کا معائنہ کرکے ادویات بھی مفت تقسیم کی گئیں۔