سوشیل میڈیا پر کچھ روز سے ضلع بارہمولہ میں انجام دی گئی ایک شادی کی تقریب موضوع بحث بنی ہوئی ہے۔ تقریب میں دلہن نے از خود گاڑی چلا کر سب کو حیران کر دیا۔ دلہن کی جانب سے گاڑی چلانے کی ایک ویڈیو وائرل ہوگئی جس کے بعد یہ سوشیل میڈیا یہ موضوع بحث بن گیا۔ سوشیل میڈیا پر ملاجلا ردعمل ظاہر کیا جارہا ہے۔
بعض افراد نے اس اقدام کو نہ صرف جائز ٹھہرایا بلکہ اسے قابل تقلید بھی قرار دے رہے ہیں، وہیں متعدد افراد کا ماننا ہے کہ یہ کشمیر کی روایات اور ثقافت کے عین منافی ہے اسے پروموٹ نہیں کیا جانا چاہئے۔
مزید پڑھیں: سوپور: ننگلی گاؤں بنیادی سہولیات سے محروم
اس حوالے سے ذرائع ابلاغ کے نمائندوں نے دولہے عامر کے ساتھ رابطہ قائم کیا تو انہوں نے بتایا کہ یہ (گاڑی) میں نے اپنی زوجہ (دلہن) کو عین رخصتی کے موقع پر تحفہ دیا جس کے بارے میں کسی کو معلوم نہیں تھا، میری اہلیہ نے گاڑی چلانے کی خواہش ظاہر کی جبکہ میں نے میری اہلیہ کی خواہش کا احترام کیا ہے‘۔
قابل ذکر ہے کہ اس نوعیت کا یہ پہلا اور انوکھا واقعہ ہے جو وادی کشمیر میں رونما ہوا ہے، دلہن کی جانب سے گاڑی چلانے کا ویڈیو وائر ہونے کے بعد دونوں میاں بیوی سرخیوں میں ہیں۔
