کورونا کرفیو پر سختی کرنے کے حوالے سے آج شمالی کشمیر کے ضلع بارہمولہ میں ایک عجیب و غریب منظر دیکھنے کو ملا۔ ضلع میں تعینات ایڈیشنل ڈپٹی کمشنر محمد احسن خود سڑک پر نکل کر کورونا سے متعلق گائیڈ لائن کی خلاف ورزی کرنے والے مرد و خواتین پر دنڈے برساتے نظر آئے۔
کورونا کرفیو کی خلاف ورزی پر مرد و خواتین کی پٹائی
ایڈیشنل ڈپٹی کمشنر بارہمولہ نے کورونا کرفیو کی آڑ میں لوگوں کی پٹائی کی جس کے خلاف عوامی حلقوں میں کافی غم و غصہ پایا جا رہا ہے۔
افسر کی اس حرکت کے سبب لوگوں میں کافی ناراضگی دیکھنے کو مل رہی ہے۔ لوگوں نے افسر پر سخت کارروائی کا مطالبہ بھی کیا ہے۔
دریں اثناء ضلع کمشنر بارہمولہ بھوپندر کمار نے کہا کہ 'انہوں نے اس معاملے کا نوٹس لیا ہے'۔
