بغیر چھت کا اسکول، طلبہ موسم کی سختیوں سے دو چار

گرلز مڈل اسکول بوٹینگو زنگیر میں اسکول کی عمارت میں چھت نہ ہونے کی وجہ سے طلبا کو کافی مشکلات کا سامنا کرنا پڑ رہا ہے۔ اس تعلق سے مقامی لوگوں میں بھی کافی ناراضگی دیکھی جارہی ہے۔

شمالی کشمیر کے ضلع بارہمولہ کے سوپور قصبہ سے دس کلومیٹر کی دوری پر واقع گرلز مڈل اسکول بوٹینگو میں ایک اسکول کی عمارت پر چھت نہیں ہے، کیونکہ گذشتہ سال تیز ہواؤں کی وجہ سے اس عمارت کی چھت اڑ گئی ہے۔

مقامی لوگوں نے بتایا کہ اس اسکول میں صرف لڑکیاں پڑھتی ہیں اور اب ان کو اسکول کے کھلے صحن میں تعلیم حاصل کرنا پڑتا ہے۔ اس سے ان کو کافی دشواریوں کا سامنا کرنا پڑتا ہے۔

لوگوں نے انتظامیہ اور ضلع انتظامیہ پر یہ الزام عائد کرتے ہوئے بتایا کہ 'ہم نے کافی بار اس عمارت کی چھت بنانے کی گذارش کی، لیکن بدقسمتی سے آج تک اس کی تعمیر نہ ہوئی۔

انہوں نے مزید بتایا کہ 'اس اسکول کی فینسنگ کی جائے اور اس خستہ حال عمارت کو نئے طریقے سے بنایا جائے تاکہ بچے اچھی طرح سے اپنی پڑھائی کریں۔