شمالی کشمیر کے قصبہ اوڑی درتکوٹ میں بھیانک آتشزدگی کے دوران ايک رہائشی شيڈ مکمل طور پر خاکستر ہو گيا، جس دوران لاکھوں روپیہ مالیت کی گھریلو اشیا راکھ کے ڈھیر میں تبدیل ہو گئی۔
اطلاعات کے مطابق اوڑی کے درتکوٹ گاؤں میں جمہ کی شام اُس وقت ہنگامہ مچ گیا جب ایک رہائشی شيڈ میں آگ لگ گئی۔ مقامی لوگوں کی کوششوں سے آگ کو مزید پھیلنے سے روکا گیا۔ تاہم آتشزدگی کے دوران رہائشی شيڈ پوری طرح خاکستر ہو گيا۔
وہیں اس واقعہ میں کسی جانی نقصان کی کوئی اطلاع نہیں ہے۔ اوڑی پولیس نے اس ضمن میں معاملہ درج کر کے مزید تحقیقات شروع کر دی ہے۔ وہیں، علاقے کے لوگوں نے متاثرہ کنبوں کی بازآبادکاری اور فوری امداد کی اپیل کی ہے۔
