شمالی کشمیر کے ضلع بانڈی پورہ علاقے بوناکوٹ میں آج آوارہ کتوں نے دو درجن سے زائد مقامی لوگوں پر حملہ کیا جس سے پورے علاقے میں خوف وہراس پھیل گیا۔
مقامی لوگوں نے الزام عائد کیا کہ اس طرح کے حملے آج کل آئے دن ہو رہے ہیں اور علاقے میں کتوں کی آبادی کو روکنے کے لیے کوئی اقدامات نہیں کیے جارہے ہیں۔
مقامی لوگوں نے بتایا کہ آوارہ کتوں نے تہلکا مچایا ہوا ہے اور کل سے رہایشوں پر حملہ کر رہے ہیں اور ان کو بری طرح سے زخمی کر رہے ہیں۔'
اطلاعات کے مطابق، زخمیوں کو ابتدائی طبی امداد اور اینٹی ریبیز ویکسینس کے لئے ضلع اسپتال بانڈی پورہ منتقل کیا گیا ہے۔
مقامی لوگوں نے کہنا ہے کہ 'بچے اور بزرگ اپنے گھروں سے باہر نکلنے سے قاصر ہیں اور اگر نکلے بھی تو انہیں کتوں کے کاٹنے کا سامنا کرنا پڑ رہا ہے۔'
انہوں نے حکام سے اپیل کی ہے کہ وہ آوارہ کتوں کی آبادی کو روکنے کے لئے جلد اقدامات کریں۔
