برفانی تودے میں لاپتہ طالب علم کا آٹھویں دن بھی کوئی سراغ نہیں

جموں و کشمیر کے گریز -تلیل علاقے میں برفافی تودے گرنے سے لاپتہ طالب علم کا ابھی تک پتہ نہیں چل پایا ہے جبکہ اتوار کو مسلسل آٹھویں دن بھی اس کو تلاش کیا جارہا ہے۔

ایک پولیس افسر نے بتایا کہ راحتی عملے کی بہت کوشش کے بعد بھی اس طالب علم کا کوئی سراغ نہیں مل سکا ہے جو برفانی تودے گرنے کے دوران برف میں دب گیا تھا ۔

جاويد احمد لون نامی طالب علم کی تلاش کے لئے آج صبح سے ہی تلاشی مہم شروع کی گئی ۔

جاويد احمد لون اور دو دیگر طالب علم 15 فروری کو جب گریز میں امتحان دینے کے بعد اپنے تولیل لوٹتے وقت برفانی تودوں کی زد میں آنے سے برف میں دب گئے تھے ۔

اس دوران دیگر طلبا ءعارف حسین اورعلی محمد لون کو بچا لیا گیا اور زخمی حالت میں دونوں کو اسپتال میں داخل کیا گیا تھا