بانڈی پورہ: ضلع بانڈی پورہ کے دور دراز پہاڑی علاقہ کیتسن سے تعلق رکھنے والے درجنوں افراد نے ڈی سی آفس کے سامنے خاموش احتجاج people from Ketsan protested in Front of DC office کیا۔ بانڈی پورہ کے ایک دور دراز علاقہ کیتسن سے تعلق رکھنے والے درجنوں افراد نے آج ڈی سی آفس کے سامنے ایک خاموش احتجاج کیا۔
ان کا مطالبہ ہے کہ قریب تین سو چوکوں پر مشتمل اس علاقے کے لیے ٹرانسپورٹ کی ایک باقاعدہ سروس شروع کی جائے جس سے ان کے مشکلات کا ازالہ ہوسکے۔ ان کا کہنا ہے اگرچہ آلوسہ اسٹینڈ سے دو سومو اس علاقےکے لیے رکھی گئی ہیں تاہم ان سے من مانی کرایہ وصو جاتا ہے۔
ان کا کہنا ہے کہ کیتسن سے آلوسہ کی محض چھ کلو میٹر کی مسافت کا سو روپے کرایہ وصولا جاتا ہے اور ایسا نہ کرنے کی صورت میں وہ سروس بند کر دیتے ہیں۔ جس سے عوام کو شدید مشکلات کا سامنا کرنا پڑتا ہے۔
مزید پڑھیں: Fire in Bandipora:ٹنگھاٹ بانڈی پورہ میں آتشزدگی، دو منزلہ مکان اور ایک گاؤ خانہ خاکستر
ان کا کہنا ہے کہ کسی بھی بیمار کو سرد ترین رات کے دوران کاندھوں پر اٹھا کر تقریبآ چھ کلو میٹر دور آلوسہ تک لے جانا پڑتا ہے۔ اگرچہ اس علاقے میں ایک پرائمری ہیلتھ سینٹر تو ہے لیکن ٹرانسپورٹ سروس نہ ہونے کی وجہ سے کوئی ڈاکٹر یا طبی عملہ یہاں نہیں پہنچ پاتا ہے۔ ان کا کہنا ہے کہ اس علاقہ کو حال ہی میں ٹورسٹ میپ پر لایا گیا ہے لیکن اس کے باوجود یہ علاقہ بنیادی سہولیات سے محروم ہے۔
