نمائندے کے مطابق بانڈی پورہ کے ضلع ترقیاتی کمشنر اور تحصیلدار نے بانڈی پورہ کے بازار کا اچانک دورہ کرکے متعدد دکانوں کو سربمہر کیا۔
ذرائع ابلاغ کے نمائندوں سے بات کرتے ہوئے تحصیلدار رؤف احمد نے گوشت فروخت کرنے والے متعدد دکانوں، مرغ فروشوں اور ایک ہوٹل کو سیل کرنے کی تصدیق کی۔
ان کا کہنا تھا کہ کوروناوائس کے تیزی سے پھیلاؤ کے سبب ضلع بھر میں دفعہ 144نافذ ہے اور ایک جگہ متعدد فراد کے جمع ہونے پر پابندی ہے۔
ان کا کہنا تھا کہ سیل کی ہوئی دکانوں پر عوام کا ہجوم ہونے کی پاداش میں انہیں سربمہر کر دیا گیا ہے۔
قابل ذکر ہے کہ کورونا وائرس کی وجہ سے جہاں پوری وادی میں اضطراب اور بے چینی کا ماحول ہے وہیں انتظامیہ کی جانب سے بندشوں کا نفاذ عمل میں لایا گیا ہے اور عوام کو بلا ضرورت گھر سے باہر نکلنے اور بھیڑ اکٹھا کرنے کی سخت ممانعت ہے۔
واضح رہے کہ کوروناوائرس کی وجہ سے اب تک پورے عالم میں دس ہزار ہلاک جبکہ لاکھوں افراد اس کی چپیٹ میں آ چکے ہیں۔
