ڈپٹی کمشنر بانڈی پورہ ڈاکٹر اویس احمد نے آج ضلع میں ماحولیاتی منصوبہ کی تیاری پر تبادلہ خیال کے لیے ضلع ماحولیاتی کمیٹی کے تمام ارکان کا اجلاس طلب کیا۔
اجلاس میں محکمہ ماحولیات کے تحفظ اور ضلع میں پیرامیٹرز کو بہتر بنانے کے لیے قبل ازیں کئے گئے اقدامات پر تبادلہ خیال کیا گیا جبکہ محکمہ جنگلات اور محکمہ ماحولیات کی کارکردگی پر بھی بحث کی گئی۔
ضلع میں آبی ذخائر سے متعلق نظر ثانی شدہ ایکشن پلان کی تیاری سمیت مختلف محکموں کی جانب سے اٹھائے گئے اقدامات پر بھی تبادلہ خیال کیا گیا۔
اجلاس میں متعلقہ محکموں کے عہدیداروں نے ڈی سی کو ضلع میں ڈی ای پی کے نفاذ کے لیے کی جارہی کارروائیوں اور پیشرفت سے آگاہ کیا۔
ڈی ڈی سی نے ممبروں پر ہم آہنگی کے ساتھ کام کرنے پر زور دیا تاکہ مقررہ مدت کے اندر ایک عملی لائحہ عمل مرتب کیا جاسکے۔ انہوں نے تمام اسٹیک ہولڈرز پر زور دیا کہ وہ ماحولیاتی تحفظ سے متعلق مہم میں حصہ لیں۔
اجلاس میں اے ڈی ڈی سی بانڈی پورہ افسار علی، اے ڈی سی بانڈی پورہ ظہور احمد میر، اے سی آر ریاض احمد بیگ، جوائنٹ ڈائرکٹر پلاننگ، امتیاز احمد سی ایم او، بشیر احمد خان سی ای او ایم سی اور ضلع کے دیگر اعلی افسران سمیت کمیٹی کے تمام ممبران نے شرکت کی۔
