بانڈی پورہ کی ایک ادبی تنظیم بزم شعبان نے صوفی شاعر شعبان صاحب کے شعری مجموعہ ’سوزندراز‘ جاری کیا۔ اس موقعے پر ادیبوں، قلمکاروں، شعراء اور مقالہ نگاروں نے شرکت کی۔
شعری مجموعہ ’سوزندراز‘ کی ترتیب مجید مجازی نے انجام دی۔ اس موقعے پر مختلف مقالہ نگاروں، شعراء اور قلمکاروں نے کتاب سے متعلق اپنی آراء پیش کرتے ہوئے صوفی شاعر شعبان صاحب کی زندگی اور شاعری کمالات کے متعلق مقالات پڑھے۔
کتاب کی رسم اجرائی کے موقعے پر جنرل سیکریٹری حلقہ ادیب سونہ واری شاکر شفیع، صدر وہاب کلچرل سوسائٹی ڈاکٹر ریاض الحسن، جنرل سیکریٹری ادبی فورم بانڈی پورہ منصور منتظر اور دیگر ذی عزت افراد نے شرکت کی۔
پروگرام کی نظامت سہیل فاروق نے انجام دی۔
