مقامی آبادی گزشتہ تین مہینوں سے محکمہ کی جانب سے انسپیکشن کے انتظار میں ہے۔ تین سال کی مشقت کے بعد ناتھ پورہ بانڈی پورہ کے وارڈ نمبر چودہ میں پی ایم ڈی پی یا پی ایم ڈی پی کے تحت ایک ٹرانسفارمر نصب کیا گیا۔ اسے نصب کرنے میں تقریباً ایک سال کا وقت لگا۔ اگرچہ تین مہینے پہلے اس کام کو مکمل کر لیا گیا۔ تاہم پچھلے تین مہینوں اسے اس لئے شروع نہیں کیا جا رہا ہے کیونکہ اس کا انسپیکشن کرنَا ابھی باقی ہے۔
مقامی لوگوں نے انسپیکشن کے حوالے سے متعلقہ حکام سے کئی بار رجوع کیا۔ تاہم لگتا ہے کہ ابھی تک پی ایم ڈی پی کے پاس انسپیکشن کے لئے وسائل موجود نہیں ہیں۔
یہ بھی پڑھیں: بجلی کے کھمبوں اور ترسیلی لائن کی خستہ حالی سے لوگ پریشان
مقامی افراد کا کہنا ہے کہ بجلی کی عدم دستیابی کی وجہ سے انہیں خاص کر سردیوں کے موسم میں شدید مشکلات کا سامنہ کرنا پڑتا ہے۔ ان کا کہنا ہے کہ ان کے بچے آج بھی موم بتیوں کے سامنے پڑھائی کرنے کے لئے مجبور ہیں جس سے ان کے صحت پر کافی منفی اثر پڑھ رہا ہے۔
