ذرائع نے بتایا کہ ضلع بانڈی پورہ کی بونہ کوٹ نشست سے پی ڈی پی کی ٹکٹ پر حالیہ ڈی ڈی سی انتخابات میں جیت درج کرنے والے عبدالغنی وانی نے پارٹی کے جنرل سکریٹری کو اپنا استعفیٰ نامہ روانہ کیا ہے۔
موصوف ڈی ڈی سی ممبر نے اپنے استعفیٰ نامے میں کہا ہے: ’میں عبدالغنی وانی پارٹی کی بنیادی رکنیت سے مستعفی ہو رہا ہوں میں نے یہ فیصلہ پارٹی کے کارکنوں کے ساتھے تفصیلی گفت وشنید کے بعد لیا ہے‘۔
ان کا استعفیٰ نامے میں مزید کہنا ہے کہ پارٹی کے ساتھ دیرینہ وابستگی کے پیش نظر یہ فیصلہ لینا بہت ہی کٹھن کام تھا۔ قبل ازیں پی ڈی پی سے چند اہم لیڈر مستعفی ہوئے ہیں جن میں سے بعض نے حال ہی میں پیپلز کانفرنس میں شمولیت اختیار کی۔
پی ڈٰی پی سے ناطہ توڑ کر پیپلز کانفرنس میں شامل ہونے والے بڑے لیڈروں میں سابق نائب وزیر اعلیٰ مظفر حسین بیگ، سابق وزیر سید بشارت بخاری، پیر منصور حسین اور خورشید عالم قابل ذکر ہیں۔
