نوگام سوناری میں پینے کے پانی کا مسئلہ کب ختم ہوگا؟

وادی کشمییر آبی ذخائر کے لیے پوری دنیا میں مشہور ہے تاہم وادی میں کئی ایسے علاقے ہیں جہاں پینے کے صاف پانی کی قلت ہے، جن میں بانڈی پورہ کا نوگام سوناواری علاقہ قابل ذکر ہے۔

تفصیلات کے مطابق ضلع بانڈی پورہ کے نوگام سوناواری علاقے میں لوگوں نے پانی کی عدم دستیابی کے خلاف احتجاج کیا جس کے دوران انہوں نے مقامی سڑک کو بھی بطور احتجاج کے بند رکھا -

احتجاج میں شامل لوگوں کا کہنا تھا کہ انہیں پینے کے پانی کو لیکر کافی مشکلات سے دوچار ہونا پڑرہا ہے-

احتجاج میں شامل مظاہرین نے محکمہ جل شکتی کے خلاف نعرے بازی کی اور کہا کہ ان کی وجہ سے وہ پانی کی اس نعمت سے روز محروم ہورہے ہیں -ان کا کہنا تھا کہ وہ پانی کی بوند بوند کو ترس رہا ہے- لیکن محکمہ غفلت کی نیند میں محو ہے- انہوں نے متنبہ کیا کہ اگر فوراً ان کا یہ مسئلہ حل نہیں کیا گیا تو وہ احتجاج کو جاری رکھیں گے-

متعلقہ علاقے کے ایک سرپنچ نے ای ٹی وی بھارت کو بتایا کہ انہوں نے اس سے قبل بھی کئ دفعہ اس طرح پانی کے مشکلات کو لیکر احتجاج کیا تاہم اس کے باوجود بھی ان کے اس مشکل کا ازالہ نہیں کیا جارہا ہے- انہوں نے ایل جی انتظامیہ سے اپیل کی ہے کہ علاقے میں پینے کے پانی کی اس بنیادی ضرورت کو یقینی بنایا جائے۔