پچاسی کلو میٹر لمبی بانڈی پورہ - گریز سڑک گزشتہ ہفتہ ہوئی بھاری برف باری کی وجہ سے بند ہوئی تھی۔ تاہم شاہراہ پر سے برف ہٹانے کا کام مکمل ہونے کے فورا بعد ہی سڑک کو ٹریفک کی آمد و رفت کے لیے بحال کر دیا گیا۔
گریز سے تعلق رکھنے والے باشندوں نے الزام عائد کرتے ہوئے کہا کہ سڑک کو انتخابات منعقد کرنے کے لیے بحال کیا گیا۔ انہوں نے کہا: ’’اگر الیکشن کے ایام میں سڑک کو جنگی بنیادوں پر بحال کیا جا سکتا ہے تو دیگر ایام میں شاہراہ پر سے برف ہٹانے کا کام کیوں نہیں کیا جاتا۔‘‘
مقامی آبادی نے شاہراہ کو ٹریفک کے لیے بحال کیے جانے پر ضلع انتظامیہ اور دیگر محکموں کی سراہنا کیا۔ تاہم انہوں نے ضلع انتظامیہ سے اپیل کی کہ عام ایام میں بھی اسی طرح شاہراہ پر سے برف ہٹانے کا کام سرعت سے کیا جائے تاکہ گریز کی عوام کو شاہراہ بند ہونے کے سبب ہونے والے نقصانات اور پریشانیوں سے بچایا جا سکتے۔
