Timber Seized in Bandipora: بانڈی پورہ میں محکمہ جنگلات نے غیر قانونی لکڑی ضبط کی

شمالی کشمیر کے ضلع بانڈی پورہ میں محکمہ جنگلات اور فارسٹ پروٹیکشن فورس نے مشترکہ طور پر کارروئی کرتے ہوئے فارسٹ رینچ اجس کے کڈارہ علاقے سے غیر قانونی لکڑی ضبط کی Illegal Timber Seized In Bandipora ہے۔ اس حوالے سے سمگلروں کے خلاف کیس درج کیا گیا ہے۔

بانڈی پورہ: محکمہ فارسٹ اور فارسٹ پروٹکشن فورس بانڈی پورہ نے رینج اجس کے کڈارہ علاقے میں ایک کارروائی کے دوران تقربیاً پچاس مکعب فٹ کیل کی لکڑی ضبط کی۔

اس حوالے سے رینج افسر محکمہ فارسٹ اجس اور ڈپٹی ڈائریکٹر فارسٹ پروٹکشن فورس کی قیادت میں ایک مشترکہ ٹیم نے یہ لکڑی کمپارٹمنٹ نمبر 139 اور 140 سے برآمد کی جہاں اسے سمگلروں نے گھاس کے نیچے چھپایا تھا۔ کارروائی کے دروان ٹیم نے ٹھیک اسی جگہ پر چھاپا مارا جہاں پر لکڑی چھپائی گئی تھی۔

بتایا جاتا ہے کہ یہ لکڑی چونٹی محلہ سے تعلق رکھنے والے ایک نجار نے چھپا رکھی تھی۔ اس سلسلے میں پولیس اسٹیشن سمگلروں کے خلاف ایک کیس درج کیا گیا ہے اور مزید کارروائی جاری ہے۔