نیشنل کانفرنس کے سینیئر رہنما و رکن پارلیمان اکبر لون کے صاحبزادے ہلال اکبر لون کو ضمانت پر رہا کر دیا گیا- ہلال اکبر لون کے اہل خانہ کے مطابق انہیں گزشتہ شام دیر گئے قریب بیس روز بعد ٹاڈا عدالت نے ضمانت پر رہا کردیا ہے اور وہ واپس گھر پہنچ گئے ہیں۔
ہلال اکبر لون کے چھوٹے بھائی بلال لون نے سماجی رابطے کی ویب سائٹ فیس بک پر لکھا کہ 'ان کے بھائی کو گزشتہ شب، ضمانت پر رہا کردیا گیا ہے اور وہ گھر واپس پہنچ گئے ہیں۔'
انہوں نے کہا کہ وہ اس معاملے میں کورٹ اور تمام ان وکلاء اور دیگر افراد کے مشکور ہیں جنہوں نے ان کی مدد کی۔
انہوں نے فیس بک پر لکھا کہ 'بہت خوشی کا مقام ہے کہ میرے بھائی ضمانت پر رہا ہوگئے ہیں اور اپنے گھر واپس پہنچے ہیں، اللہ کا شکر ہے۔ ان وکلا کا بھی شکریہ ادا کرتے ہیں جنہوں نے انہیں ٹاڈا عدالت میں پیش کر کے ضمانت کروائی اور ان سب کا شکریہ جنہوں نے کسی بھی طرح اس میں مدد کی۔'
یہ بھی پڑھیں: 'یو اے پی اے ایکٹ' کے تحت رکن پارلیمان کا بیٹا ہلال لون گرفتار
ہلال اکبر لون کو 16 فروری کو سمبل پولیس نے یو اے پی اے ایکٹ کے تحت گرفتار کیا تھا۔ ان پر ڈی ڈی سی انتخابی ریلی کے دوران 'نفرت انگیز تقریر' کرنے پر مقدمہ درج کیا گیا تھا۔
