بانڈی پورہ: نالہ مدمتی میں نہانے پر پابندی

بانڈی پورہ کے لوگ ڈپٹی کمشنر بانڈی پورہ ڈاکٹر اویس احمد کے لیے گئے فیصلے کی بڑے پیمانے پر سراہنا کر رہے ہیں۔

بانڈی پورہ کی معروف نالہ مدمتی میں پانی کا بہاؤ بڑھ جانے کے پیش نظر ڈپٹی کمشنر بانڈی پورہ ڈاکٹر اویس احمد نے حکمنامہ جاری کیا ہے کہ نالوں کے دونوں کناروں پر کسی کو ٹہلنے یا نہانے نہی دیا جائے گا۔

ندی نالہ

ڈپٹی کمشنر موصوف نے تحصیلدار بانڈی پورہ کو ہدایت دی ہے کہ اس جاری حکمنامہ پر سختی سے عمل کریں چنانچہ نالہ مدمتی میں جون جولائی کے مہینوں میں پہاڑوں پر برف پگلنے سے پانی کا بہاؤ بہت زیادہ بڑھ رہا ہے۔چونکہ کشن گنگا پر بجلی پروجیکٹ کا پانی بھی نالہ مدمتی میں نالہ بونار کے ذریعے تحلیل ہو جاتا ہے جس کی وجہ سے پانی کا بہاؤ دوگنا بڑھ گیا ہے۔

اسی تناظر میں ڈپٹی کمشنر موصوف نے محسوس کرتے ہوئے یہ فیصلہ لوگوں کے تحفظ کے لیے لیا ہے۔ گویا یہ پہلی بار عوام کی تحفظ اور بھلائی کے لیے مثالی فیصلہ صادر ہوا ہے۔

بانڈی پورہ کے لوگ ڈپٹی کمشنر بانڈی پورہ ڈاکٹر اویس احمد کے لیے گئے فیصلے کی بڑے پیمانے پر سراہنا کرتے ہیں اور اس فیصلے پر عمل درامد کرنے کا مطالبہ کیا ہے۔