ڈی سی بانڈی پورہ نے آج منی سکریٹریٹ میں پریس کانفرنس طلب کی جس کا مقصد ضلع میں کووڈ کیسز اور اسپتالوں میں اس حوالے سے تیاریوں اور دیگر سہولیات کے بارے میں آگاہی فراہم کرنا تھا۔
اس موقع پر انہوں نے مزید کہا کہ قریب ایک ہزار مریضوں کو مختلف اسپتالوں میں بھرتی کیا جا سکتا ہے۔ ضرورت پڑنے پر اس تعداد میں اضافہ بھی کیا جا سکتا ہے۔
ڈی سی بانڈی پورہ نے آج منی سکٹریٹ میں پریس کانفرنس طلب کی
انہوں نے کہا کہ ضلع میں اس وقت آکسیجن اور وینٹیلیٹرز ضرورت کے حساب سے موجود ہیں۔
انہوں نے عوام سے اپیل کی کہ وہ زیادہ سے زیادہ تعداد میں ٹیسٹس کروانے کے لیے سامنے آئیں۔
انہوں نے کہا کہ وقت پر ٹیسٹ کروانے کی وجہ سے کووڈ کو کنٹرول کرنے اور زیادہ سے زیادہ مریضوں کی جان بچانے میں مدد مل سکتی ہے۔ ضلع میں فی الحال پابندیاں عائد رہیں گی۔
تاہم ضروری اشیا کی فراہمی کے لیے صبح 7 بجے سے 9 بجے تک رعایت دی جائے گی۔
