جموں و کشمیر کے بانڈی پورہ میں ڈی ڈی سی اور بی ڈی سی بونہ کوٹ نے ٹنگ تھری گاؤں میں گھر گھر جاکر لوگوں کی مشکلات کا جائزہ Tangthari Village Issues لیا۔ اس کے علاوہ انہو نے علاقہ کے مقامی لوگوں کے ساتھ ایک میٹنگ بھی کی، جس میں مقامی افراد نے گاؤں کے مسائل سے انہیں آگاہ کیا۔ ڈی ڈی سی بونہ کوٹ عبدالغنی نے علاقے کا جائزہ لینے کے بعد اس بات کا اعتراف کیا کہ واقعی آج تک اس گاؤں کے ساتھ نا انصافی کی گئی ہے۔
انہو نے مقامی لوگوں کو یقین دلایا کہ بجلی اور پانی جیسے ان کے بنیادی مسائل کو وہ اگلے چند مہینوں میں حل کرنے کی ہر ممکن کوشش کریں گے۔ جب کہ سڑک کے حوالے سے انہو نے پی ایم جی ایس محکمے سے اپیل کرتے ہوئے کہا کہ وہ اس علاقے کو سڑک رابطے فراہم کرنے کو اپنی ترجیحات میں شامل کریں۔ انہوں مقامی افراد کو اس بات کی بھی یقین دہانی کرائی کہ گولڈن ای شرم ، آدھار اور راشن کارڈ جلد از جلد بنوانے میں وہ مقامی افراد کو اپنا بھر پور تعاون کریں گے۔
- یہ بھی پڑھیں: Shoaib Pervez Visited the Bus Stand: ناجائز قبضہ کے خلاف نائب تحصیلدار کشتواڑ کا انتباہ
انہو نے مقامی لوگوں سے کہا کہ بجلی بحال ہونے سے قبل اگلے چند روز کے دوران وہ ہر ایک گھر کو ایک سولر لیمپ فراہم کریں گے۔ وہیں اس موقع پر مقامی افراد نے ڈی ڈی سی کا بے حد شکریہ ادا کرتے ہوئے کہا کہ انہو نے اس گاؤں کا از خود آکر جائزہ لیا اور ہر ایک بنیادی سہولیت کی عدم دستیابی Basic Facilities In Tangthari Village کا اعتراف کرکے انہیں بہت جلد حل کرنے کا یقین بھی دلایا۔ امید ہے کہ جلد از جلد ہماری مشکلات کا حل نکالا جائےگا۔
