بانڈی پورہ میں الیکٹرانک پاس سروس شروع

ضلع بانڈی پورہ کے افراد کے لیے خوشخبری، کرفیو پاس وصول کرنے کے لیے ضلع ترقیاتی دفتر کی ضرورت نہیں۔

جموں و کشمیر کے شمالی ضلع بانڈی پورہ میں ضرورت مند افراد گھر بھیٹے کرفیو پاس حاصل کر سکتے ہیں۔ ضلع انتظامیہ نے مریضوں، ملازمین اور دیگر ضرورت مند افراد کے لیے ایلکٹرانک پاس سروس کا آغاز کیا ہے۔

ضلعی انتظامیہ نے کورونا وائرس کی وجہ سے جاری لاک ڈاؤن کے پیش نظر ضلع کے مریضوں، ملازمین اور پھنسے ہوئے افراد اپنی اپنی منزل تک پہنچنے کے لیے الیکٹرانک پاس سروس کا آغاز کیا ہے۔

ضلع ترقیاتی کمشنر بانڈی پورہ شہباز احمد مرزا نے کہا مریضوں، ملازمین اور پھنسے ہوئے افراد جنہیں پاس کی ضرورت ہو، وہ این آئی سی کی ویب سائٹ www.bandipore.nic.in کے ذریعے فارم بھر سکتے ہیں۔

انہوں نے کہا کرفیو پاس حاصل کرنے کے لیے ذاتی تفصیلات اور تصویر کے ساتھ دستاویزات ویب سائٹ پر اپلوڈ کرنا لازمی ہے۔اس تعلق سے موبائل فون اور ای میل آئی ڈی پر ایک کنفرمیشن پیغام آئے گا، جس سے اس بات کی تصدیق ہوگی کہ آپ کے فارم بھرنے کی کاروائی مکمل ہوگی۔