بانڈی پورہ: جموں و کشمیر کے ضلع بانڈی پورہ میں آج بی جے پی کے ہیڈکوارٹر پر ایک اجلاس منعقد ہوا جس کی صدارت بی جے پی ضلع صدر عبدالرحمن ٹیکری نے کی۔ اجلاس میں نائب ضلع صدر ریاض احمد وانی کے علاوہ بڑی تعداد میں مختلف علاقوں سے آئے ہوئے بی جے پی کارکنان نے شرکت کی۔ اجلاس کے دوران مرکز کی جانب سے عام اور پسماندہ لوگوں کی بہبود کے لئے مختص کئی اسکیموں کو زیر غور لایا گیا اور ان سے ملنے والے فوائد پر روشنی ڈالی گئی۔ BJP Convention in Bandipora
خصوصً ای شرم اسکیم کے مراعات اور اس کے فوائد پر تفصیلی روشنی ڈالی گئی۔ یہ بھی جائزہ لیا گیا کہ ضلع میں کتنی تعداد میں لوگ اسکیم سے مستفید ہوئے اور آگے بھی کتنے افراد اس اسکیم سے فائدہ اٹھا سکتے ہیں۔ عبدالرحمن ٹیکری نے کہا کہ 'ہم ضلع میں الیکشن کے لئے کسی بھی وقت تیار ہیں۔' گریز حلقہ اسمبلی میں ڈی ڈی سی الیکشن کے دوران بی جے پی نے پہلے ہی اپنی طاقت کا مظاہرہ کیا ہے۔ جبکہ بانڈی پورہ اور سمبل سونہ واری میں لوگ بڑی تعداد میں بی جے پی میں شمولیت اختیار کر رہے ہیں۔ جس کے باعث ان دو کانسچونسی میں بھی بی جے پی بھاری اکثریت سے کامیابی حاصل کرے گی۔ BJP party convention held at Bandipora
یہ بھی پڑھیں : Bjp Meeting In Pulwama:پلوامہ میں بی جے پی کارکنان کا اجلاس منعقد
