ضلع بانڈی پورہ کے کلوسہ علاقہ سے تعلق رکھنے والے باشندوں نے پینے کے پانی کی عدم دستیابی کے سبب محکمہ جل شکتی اور ضلع انتظامیہ کے خلاف احتجاج کیا۔
مظاہرین نے محکمہ جل شکتی پر الزام عائد کرتے ہوئے کہا کہ محکمہ ان کی مشکلات کا ازالہ کرنے میں سنجیدگی کا مظاہرہ نہیں کر رہا۔
بانڈی پورہ: پانی کی عدم دستیابی، عوام کا احتجاج
احتجاجیوں کا کہنا تھا کہ پچھلے دو ماہ سے انکے علاقے میں پانی کی سپلائی بند ہے، جس کے چلتے انہیں پانی حاصل کرنے کے لیے میلوں کا سفر طے کرنا پڑ رہا ہے۔
مقامی آبادی نے کلوسہ مدھومتی پل پر دھرنا دیا جس کے سبب کئی گھنٹوں تک ٹریفک کی نقل وہ حرکت متاثر رہی۔
احتجاجیوں کے مطابق انہوں نے علاقے میں پانی کی قلت کے حوالے سے کئی بار محکمہ اور ضلع انتظامیہ کا رجوع کیا تاہم انکے مطابق متعلقہ محکمہ کی سرد مہری کے بعد مقامی آبادی کو مجبوراً احتجاج کرنا پڑا۔
