کووڈ اسپتال حاجن میں زیر علاج کئی مریضوں سمیت تیمارداروں نے کھانے پینے، علاج و معالجے سمیت دیگر سہولیات پر اسپتال عملہ و انتظامیہ کی ستائش کی تاہم انہوں نے بتایا کہ اسپتال میں صاف صفائی کا فقدان ہونے کے سبب مریضوں سمیت تیمارداروں کو بھی دقتوں کا سامنا کرنا پڑتا ہے۔
کووڈ اسپتال میں صفائی کے فقدان پر تیماردار برہم
انہوں نے مزید بتایا کہ اسپتال موجود بیت الخلاء کی حالت انتہائی خراب ہے اور اس میں صفائی کا معقول انتظام نہیں کیا جاتا جس کی وجہ سے مریضوں کو کافی دشواریوں کا سامنا کرنا پڑ رہا ہے۔
انہوں نے مطالبہ کیا ہے کہ اسپتال میں دیگر سہولیات کی طرح صفائی ستھرائی کا بھی مناسب اور معقول انتظام کیا جائے تاکہ مریضوں سمیت تیمارداروں کو دقتوں کا سامنا نہ کرنا پڑے۔
