سمبل قصبہ کے اندرکوٹ میں ایک زیارت شریف کی تعمیر کے علاوہ ایک سپورٹس گراؤنڈ کی تعمیر کا کام باقاعدہ شروع کیا گیا۔ سمبل میونسپل کمیٹی کے صدر جہانگیر احمد نے ان ترقیاتی کاموں کا سنگ بنیاد رکھا اور اس دوران باقاعدہ سے ان پر کام بھی شروع کیا گیا۔
اس موقع پر میونسپل کمیٹی سمبل Municipal Committee Sumbalکے کئی عہدیداران کے علاوہ مقامی لوگ بھی موجود تھے۔
قابل ذکر ہے کہ مقامی لوگوں کی یہ دیرینہ مانگ تھی کہ علاقے میں معروف زیارت سلطان پادشاہ کی تعمیر و مرمت کی جائے اور اس کے علاوہ نوجوانوں کے لئے یہاں سپورٹس گراؤنڈ کا مطالبہ بھی کیا جا رہا تھا جس کے بعد میونسپل کمیٹی سمبل نے ضلع انتظامیہ کے ساتھ ان مطالبات پر بات چیت کی۔
مزید پڑھیں: سمبل میونسپل کمیٹی چیئرمین کا اندرکوٹ کا دورہ
ضلع انتظامیہ کی جانب سے دیرینہ عوامی مطالبات کو حل کرتے ہوئے میونسپل کمیٹی کے صدر جہانگیر احمد نے ترقیاتی کاموں کا سنگ بنیاد رکھا جس کے فوراً بعد تعمیراتی کامی شروع کیا گیا۔
مقامی لوگوں نے بھی ان ترقیاتی کاموں کے آغاز پر مسرت کا اظہار کرتے ہوئے میونسپل کمیٹی سمبل کا شکریہ ادا کیا۔
