شمالی کشمیر میں ضلع بانڈی پورہ کے حاجن علاقے میں لوگوں نے پینے کے صاف پانی کی قلت کے حوالے سے محکمہ جل شکتی اور ضلع انتظامیہ کے خلاف احتجاج کیا۔
مقامی لوگوں نے پانی کی عدم دستیابی کے خلاف احتجاجی مظاہرہ کیا اور بطور احتجاج سڑک کو بھی بند رکھا۔ جس کے نتیجے میں ٹریفک کی نقل و حمل بھی متاثر رہی۔
بانڈی پورہ: پانی کی قلت کے حوالے سے حاجن میں احتجاج
احتجاج میں شامل خواتین کا کہنا تھا کہ انہیں پینے کے پانی کو لیکر کافی مشکلات سے دوچار ہونا پڑ رہا ہے۔
مظاہرین نے محکمہ جل شکتی اور ضلع انتظامیہ کو شدید تنقید کا نشانہ بناتے ہوئے کہا کہ ’’علاقے کو پس پشت ڈال دیا گیا ہے، کثیر آبادی کو پانی جیسی بنیادی ضرورت سے محروم رکھا جا رہا ہے۔‘‘
احتجاجی مظاہرین کا کہنا تھا کہ انکے علاقے میں پانی کی سپلائی کو یقینی بنانے تک احتجاج کو جاری رکھا جائے گا۔
