خیال رہے کہ مرکزی حکومت کی جانب سے فٹ انڈیا پروگرام کرنے کا فیصلہ کیا گیا ہے، خصوصی طور پر اس پروگرام کو نوجوانوں اور طلبا کے لیے تیار کیا گیا ہے۔ طلبا کا جسمانی اور ذہنی طور پر فٹ ہونا ضروری ہے۔
مرکزی حکومت کی جانب سے شروع کی گئی اس خصوصی مہم کے تحت ضلع کے تمام اسکولز میں فٹ انڈیا پروگرام کا آغاز کیا جائے گا۔
اس سلسلے میں محکمہ تعلیم نے بانڈی پورہ کانفرنس ہال میں معلومات فراہم کی۔ جہاں محکمہ کے اعلی فسران بھی موجود رہے۔
میٹنگ میں بتایا گیا کہ 'صحت کی نشوونما کا پہلا مرکز اسکول ہوتا ہے۔ اس لیے بچوں کے پڑھائی کے ساتھ دماغی طور فٹ رہنا بھی ضروری ہے اور اس سلسلے میں اسکول میں سرمائی تعطیلات ختم ہونے کے ساتھ سرگرمیاں شروع ہوجائیں گی۔ مرکز کی طرف سے شروع کیے گئے اس پروگام کی خوب پزیراری کی جا رہی ہیں۔
