بانڈی پورہ: حاجن کے پرانے تحصیل آفس میں آتشزدگی

گزشتہ رات کے دوران حاجن قصبہ میں واقع پرانے تحصیل دفتر میں آگ لگنے کا واقعہ پیش آیا اور دیکھتے ہی دیکھتے آگ نے پوری عمارت کو اپنی لپیٹ میں لے لیا-

شمالی کشمیر کے ضلع بانڈی پورہ کے حاجن میں دوران شب پرانے تحصیل آفس میں آگ لگ گئی اور اس کی ایک منزل جل کر خاکستر ہوگئی-

مقامی لوگوں کے مطابق گزشتہ رات کے دوران حاجن قصبہ میں واقع پرانے تحصیل دفتر میں آگ لگنے کا واقعہ پیش آیا اور دیکھتے ہی دیکھتے آگ نے پوری عمارت کو اپنی لپیٹ میں لے لیا-

اگرچہ اس دوران فائر بریگیڈ کی ایک ٹیم موقع پر پہنچی تاہم عمارت کا نچلی منزل میں آگ نے شدید نقصان پہنچایا- فائر بریگیڈ کی ٹیم نے بعد میں آگ پر قابو پالیا-

ایک عہدیدار نے واقعے کی تصدیق کرتے ہوئے بتایا کہ حاجن میں واقع اس عمارت میں پہلے تحصیل دفتر ہوا کرتا تھا تاہم دو مہینے قبل اس دفتر کو دوسری جگہ منتقل کیا گیا تھا-

آتشزدگی کے اس واقعے میں مذکورہ عمارت کی پہلی منزل مکمل طور سے آگ کی نذر ہوگئی اور اسے شدید نقصان پہنچا ہے-