بانڈی پورہ: عیدالاضحیٰ پر بھی کورونا گائڈ لائنز پر عمل آوری کی اپیل

بانڈی پورہ کے ضلع ترقیاتی کمشنر ڈاکٹر اویس احمد نے عیدالاضحیٰ سے متعلق پریس بریفنگ میں کہا کہ تہوار کے باوجود بھی ایس او پیز کا خیال رکھا جائے۔

ضلع ترقیاتی کمشنر ڈاکٹر اویس احمد نے پریس بریفنگ میں کہا کہ اس وقت یہاں کورونا وائرس کے محض 80 ایکٹیو کیسز ہیں جن میں سے 72 ہوم آئسولیشن میں ہیں جب کہ بقیہ ہسپتال میں زیر علاج ہیں۔ انہوں کہا کہ کورونا پازیٹیو کیسز کی تعداد 0.5 تک پہنچ چکی ہے۔

ضلع ترقیاتی کمشنر نے کہا کہ عیدالاضحیٰ کے پیش نظر متعلقہ افسران کو ہدایات جاری کی گئی ہیں کہ وہ کورونا گائڈ لائنز کی پاسداری کرانے میں کسی طرح کی کوتاہی سے کام نہ لیں۔