بانڈی پورہ: سڑک کی خستہ حالی سے عوام پریشان

شمالی کشمیر کے ضلع بانڈی پورہ کے اجس متی پورہ گاؤں میں اندرونی سڑک کی خستہ حالی مقامی آبادی کے لئے پریشانی کا باعث بن رہی ہے اور اس خستہ حال سڑک کی وجہ سے انہیں روزانہ کی بنیاد پر مشکلات کا سامنا کرنا پڑرہا ہے۔

مقامی لوگوں کا کہنا ہے کہ اس سڑک پر ان کے لئے چلنا پھرنا مشکل ہوتا جارہا ہے۔ ان کا مطالبہ ہے کہ اس سڑک کی مرمت کی جائے تاکہ انہیں مشکلات سے نجات مل سکے۔

ای ٹی وی بھارت سے بات کرتے ہوئے اجس گاؤں کے ایک مقامی شخص نے بتایا کہ انہوں نے ضلع انتظامیہ سے کئی دفعہ اس بات کا مطالبہ کیا ہے کہ ان کے گاؤں کی اندرونی سڑکوں کی مرمت کی جائے تاہم ابھی تک وہ مسئلہ حل نہیں کیا گیا۔

انہوں نے کہا کہ اگر یہاں کی سڑک کی تعمیر ہوجاتی ہے تو مقامی بستی کو اس سے کافی حد تک راحت ملتی۔ انہوں نے ڈپٹی کمشنر بانڈی پورہ سے گزارش کی ہے کہ وہ اس سڑک کی مرمت کے حوالے سے اقدامات اٹھائے تاکہ انہیں مشکلات سے چھٹکارا مل جائے۔