سوناواری میں بارہ برس سے این ٹی پی ایچ سی نامکمل

ایک مقامی شخص نے ای ٹی وی بھارت کو بتایا کہ اس عمارت کو اگر سرکار کو تعمیر نہیں کرنا تھا تو کیونکر اس وقت اسپتال عمارت کے نام پر ڈھنڈورا پیٹا گیا- اور اتنا عرصہ گزرنے کے بعد بھی کیوں اس کو مکمل نہیں کیا جارہا ہے -

شمالی کشمیر کے ضلع بانڈی پورہ کے بہارآباد سوناواری علاقے میں سال 2008 میں نیو ٹائپ پرائمری ہیلتھ سینٹر کے لئے ایک عمارت کی سنگ بنیاد رکھی گئی- آج جبکہ 12 سال کا عرصہ گزر چکا ہے یہ عمارت ابھی بھی تکمیل کے لئے منتظر ہے۔

مقامی لوگوں کا کہنا ہے کہ اگر اس وقت دور دراز علاقوں میں طبی نظام کو مضبوط کرنے کے لئے کوشش کی گئی تو کیونکر 12 سال بعد بھی اس عمارت کا کام مکمل نہیں ہوسکا ہے جس کی وجہ سے مقامی لوگ طبی سہولیات کو لیکر پریشان ہیں-

ایک مقامی شخص نے ای ٹی وی بھارت کو بتایا کہ اس عمارت کو اگر تعمیر ہی نہیں کرنا تھا تو کیونکر اس وقت اسپتال عمارت کے نام پر ڈھنڈورا پیٹا گیا- اور اتنا عرصہ گزرنے کے بعد بھی کیوں اس کو مکمل نہیں کیا جارہا ہے-

انہوں نے ضلع انتظامیہ اور لیفٹیننٹ گورنر انتظامیہ سے اس کی طرف توجہ دینے کا مطالبہ کیا ہے- اور اس مسئلے کا ازالہ کرنے کا مطالبہ کیا ہے۔