ضلع بانڈی پورہ کے سوناواری علاقے میں کشمیری مرثیہ نگار سید رضا Marsiya Nigar Syed Raza Hamdani کی یاد میں محفل مشاعرہ کا اہتمام کیا گیا۔
محفل مشاعرہ کا انعقاد اندر کلچرل فورم سوناواری، کشمیر Inder Cultural Forum Sonawari کے زیر اہتمام کیا گیا جس میں وادی کے مختلف علاقوں سے آئے شعراء اور ادباء نے مشہور کشمیری مرثیہ نگار سید رضا حسینی ہمدانی کی خدمات کو یاد کرتے ہوئے منظوم کلام سے انہیں خراج عقیدت پیش کیا۔
اندر کلچرل فورم سوناواری Inder Cultural Forum Sonawari کے صدر سلیم یوسف چلکی نے خطبہ استقبالیہ پیش کرتے ہوئے کہا کہ ’’یہ پروگرام گزشتہ کئی برسوں سے منایا جا رہا ہے۔ جس کا مقصد نوجوانوں نسل کو مقامی شعراء کی خدمات سے واقف کرانا ہے۔‘‘
- یہ بھی پڑھیں: بانڈی پورہ: ولادتِ حضرت علیؓ کی نسبت سے مشاعرہ کا اہتمام
- Literary Event: سُمبل سوناواری گورنمنٹ ڈگری کالج میں ایک شاندار محفلِ مشاعرہ
انہوں نے مزید کہا کہ ’’تقریب کا ایک اور مقصد کشمیری زبان کے گمنام ادبا، شعراء اور کشمیری ادب و ثقافت سے وابستہ افراد کا تعارف اور ان کی خدمات کو منظر عام پر لانا ہے۔‘‘
محفل مشاعرہ میں درجنوں شعراء نے حصہ لیا اور معروف مرثیہ نگار سید رضا ہمدانی کو اپنے منظوم کلام کے ذریعے خراج تحسین پیش کیا۔
