بانڈی پورہ میں تیسرے مرحلے کی ووٹنگ جاری

جموں و کشمیر میں ڈسٹرکٹ ڈیولپمنٹ کونسل اور پنچایتی و بلدیاتی ضمنی انتخابات کے تیسرے مرحلے کی پولنگ جاری ہے۔

بانڈی پورہ کے بنکوٹ بلاک میں ڈی ڈی سی انتخابات کے تیسرے مرحلے کے تحت ووٹنگ جاری ہے-

ووٹران کی ایک اچھی خاصی تعداد سامنے آرہی ہیں اور اپنے حق رائے دہی کا استعمال کررہے ہیں -

بنکوٹ انتخابی نشست کے لئے 16 امیدوار میدان میں ہیں جن کی قسمت کا فیصلہ رائے دہندگان بیلٹ باکس میں بند کررہے ہیں ۔

تیسرے مرحلے میں جموں وکشمیر میں 33 انتخابی حلقوں میں پولنگ ہوگی، جن میں 305 امیدوار اپنی قسمت آزما رہے ہیں۔ کشمیر میں 16 حلقے ہیں جن میں 166 امیدوار ہیں۔ جبکہ جموں میں 17 حلقے ہیں، جن میں 139 امیدوار ہیں۔

کُل 305 امیدوار قسمت آزمائی کر رہے ہیں جن میں سے 252 مرد اور 53 خواتین امیدوار ہیں۔

تیسرے مرحلے میں صبح 7بجے تا دوپہر 2بجے تک ووٹ ڈالے جائیں گے۔