نریندر مودی نے آسام میں صحت انفراسٹرکچر کو فروغ دینے کے مقصد کے تحت بساناتھ اور چرائیڈو میں میڈیکل کالجز اور ہسپتالوں کا سنگ بنیاد رکھا۔
بسواناتھ اور چرایڈو میں دو میڈیکل کالج اور ہسپتال تعمیر کئے جائیں گے جس کی تخمینہ لاگت ایک ہزار ایک سو کروڑ روپئے ہوگی جبکہ ہر ہسپتال میں 500 بیڈ کی سہولت اور میڈیکل کالج میں 100 ایم بی بی ایس نشستوں کی گنجائش ہوگی۔
اسی طرح اسوم مالا پروگرام کے تحت فیلڈ ڈاٹا کو مستقبل طور پر جمع کرتے ہوئے سڑک انفرا منیجمنٹ سسٹم کے ذریعہ موثر انداز میں دیکھ بھال کے لیے یہ ایک انوکھی پہل ہے۔
وزیراعظم نریندر مودی آسام اور مغربی بنگال میں مختلف ترقیاتی پروجیکٹز کا آغاز کرنے کے لیے آج دونوں ریاستوں کے دورہ پر ہیں۔ وزیراعظم نے آج کئی ترقیاتی پروجیکٹز کے لیے سنگِ بنیاد رکھنے کے لیے آسام کے ضلع سونی پت پہنچے۔ یہاں منعقد تقریب میں وزیراعلیٰ سربانند سونوال اور ریاستی وزرا نے شرکت کی۔
نریندر مودی نے آسام میں شاہراہوں کو بہتر بنانے اور اہم اضلاع کو سڑکوں کے نیٹ ورک سے جوڑنے کے لیے اسوما مالا پروجیکٹ کا آغاز کیا۔ اس موقع پر خطاب کرتے ہوئے وزیراعظم نے شاندار استقبال کے لیے عوام کا شکریہ ادا کیا۔
