گورنر جگدیش مکھی نے اپنے خطاب میں جیسے ہی اس بات کا ذکر کیا کہ حکومت کی جانب سے ریاست کو بدعنوانی سے پاک کرنے کے لئے کئی بے مثال اقدامات کئے گئے ہیں۔
ویسے ہی کانگریس اور آل انڈیا یونائیٹڈ ڈیموکریٹک فرنٹ (اے آئی یوڈی ایف) کے ممبر کھڑے ہوگئے اور اس پر اپنا احتجاج ظاہر کرنے لگے۔ اس کے بعد اپوزیشن ممبران ایوان کے درمیان آگئے اور تختیاں لہرا کر نعرے بازی شروع کردی۔
اس درمیان اپوزیشن ممبران کے ہنگامہ کے سبب گورنر کے خطاب کو بیچ میں ہی ختم کرنا پڑا اور ان کے خطاب کو 'پڑھا' مان لیا گیا۔
مسٹر مکھی نے اپنے خطاب میں حکومت کی ترقیاتی سرگرمیوں اور مختلف منصوبوں کا ذکر کیا۔ موجودہ اسمبلی کا یہ آخری اجلاس ہے۔ اس اجلاس کے دوران ریاست میں برسراقتدار بھارتیہ جنتا پارٹی کی زیرقیادت حکومت عبوری بجٹ پیش کرے گی۔
یہ بھی پڑھیں: بھارتی خواتین فٹ بال ٹیم کےلیے تلنگانہ کی سومیا کا انتخاب
قابل ذکر ہے کہ آسام میں رواں سال اسمبلی انتخابات ہونے والے ہیں۔
