آسام میں جاپان کے تعاون سے چلائے جارہے منصوبوں کا جائزہ لیتے ہوئے وزیر خارجہ نے کہا کہ بھارت اور جاپان کی شراکت داری آسام کی ترقی میں تبدیلی لاسکتی ہے۔
وزیر خارجہ ایس جے شنکر نے گوہاٹی میں کہا کہ آسام بھارت کی ایکٹ ایسٹ پالیسی کو نافذ کرنے کے لئے سب سے اہم جگہ ہے۔ انہوں نے کہا کہ آسام کی ہمہ جہت ترقی 'ایکٹ ایسٹ' پالیسی کی کامیابی کی اثاث ہے۔
وزیر خارجہ نے کہا کہ جاپان کا مختلف ریاستوں میں منصوبوں کے لئے تعاون ریاستوں کی ترقی کے لئے بین الاقوامی پالیسیوں کی مثال ہے، ریاستوں کی ترقی شراکت سے ہی ممکن ہے۔
انہوں نے کہا کہ دنیا گذشتہ دو دہائیوں میں بہت تیزی سے تبدیل ہوئی ہے۔ خاص طور پر ایشیاء میں نئی پیداوار، کھپت، وسائل اور مارکیٹیں ابھر رہی ہیں۔
یہ بھی پڑھیں: جل گاؤں سڑک حادثہ: کووند سمیت مختلف رہنماؤں نے تعزیت کا اظہار کیا
وزیر خارجہ نے مزید کہا کہ آسام کو بہت سارے چیلنجز کا سامنا ہے۔ رابطے کا چیلینج سب سے بڑا ہے۔ آسام ایکٹ ایسٹ پالیسی کی وجہ سے دوسری ریاستوں سے زیادہ منسلک ہوگا، زیادہ طاقت ور ہوگا اور مزید ملازمت کے مواقع فراہم ہوں گے۔
