Jignesh Mevani Arrested again: جگنیش میوانی ضمانت ملنے کے بعد دوبارہ گرفتار

کوکراجھار کی سی جے ایم عدالت نے کانگریس رکن اسمبلی جگنیش میوانی کو ضمانت دے دی، ضمانت ملنے کے کچھ ہی دیر بعد ایک دوسرے معاملے میں انہیں دوبارہ گرفتار کر لیا گیا۔ انہیں بدھ کی رات گجرات سے گرفتار کیا گیا تھا Jignesh Mevani Granted Bail۔

نئی دہلی: آسام پولیس کے ذریعے گرفتار کیے گئے گجرات کے رکن اسمبلی جگنیش میوانی کو ضمانت ملنے کے بعد انہیں افسران پر حملے کے الزام میں دوبارہ گرفتار کر لیا گیا۔ پیر کو کوکراجھار عدالت نے میوانی کی ضمانت کی عرضی قبول کر لی تھی۔ اس کی جانکاری جگنیش میوانی کے وکیل انگشومن بورا نے دی تھی Assam court grants bail to Jignesh Mevani۔

21 اپریل کو آسام پولیس نے گجرات کے وڈگام سے کانگریس رکن اسمبلی جگنیش میوانی کو گرفتار کیا تھا۔ گجرات کے ایک سرکردہ دلت رہنما میوانی کے خلاف آسام کے کوکراجھار پولیس اسٹیشن میں ایف آئی آر درج کرائی گئی۔ ایف آئی آر میں، آئی پی سی کی دفعہ 120 بی (مجرمانہ سازش)، 153 (اے) (دو برادریوں کے خلاف دشمنی کو فروغ دینا)، 295 (اے) اور 504 اور آئی ٹی ایکٹ کے تحت درج کیا گیا۔ درج ایف آئی آر کے مطابق میوانی نے مبینہ طور پر ایک ٹویٹ میں دعویٰ کیا تھا کہ وزیر اعظم نریندر مودی "گوڈسے کو بھگوان مانتے ہیں"۔

کانگریس رکن اسمبلی جگنیش میوانی کو بدھ کو گرفتاری کے بعد تین دن کی پولیس حراست میں بھیج دیا گیا۔ اتوار کو کوکراجھار کی سی جے ایم عدالت نے ایک دن کے لیے عدالتی حراست میں بھیج دیا۔ پیر کو جگنیش میوانی کی ضمانت مل گئی تھی لیکن پولیس نے کچھ ہی دیر بعد افسران پر حملہ کرنے کے الزام میں گرفتار کر لیا ہے۔