آسام میں جاپانی بخار کے تجزیے کے لئے مرکزی ٹیم روانہ

آسام میں جاپانی بخار کے معاملے سامنے آنے کے بعد مرکزی حکومت نے وزارت صحت کے انڈر سکریٹری سنجیو کمار کی قیادت میں ایک ٹیم کو ریاست کا جائزہ لینے کے لیے روانہ کیا ہے۔

صحت اور خاندان کے فلاح و بہبود کے وزیر ڈاکٹر ہرش وردھن نے بتایا کہ آسام کے لیے ایک مرکزی ٹیم روانہ کی گئی ہے۔ جو جاپانی بخار سے متاثر علاقوں اور صورت حال کا جائزہ لے گی ۔
انہوں نے مزید کہا وزارت صحت جاپانی بخار کے علاج اور بچاؤ کے لئے ریاستی حکومت کے ساتھ تعاون کررے گی۔
ڈاکٹر ہرش وردھن نے کہا کہ وہ صورت حال پر باریکی سے نگاہ رکھ رہے ہیں۔آسام میں جاپانی بخار سے نمٹنےکے لیے دوائیاں اور ضروری آلات بھیجے جارہے ہیں۔جاپانی بخار سے بچنےکے لوگوں میں بیداری مہم چلائی جانی چاہئیے۔