گوہاٹی: آسام حکومت Government of Assam نے عید الاضحی کے حوالے سے ریاستی محکمہ داخلہ نے ضلع کمشنروں اور پولیس سپرنٹنڈنٹ کو خصوصی فوری ہدایات جاری کی ہے، جس میں عید الاضحیٰ کے موقع پر گائے، اونٹ اور دیگر جانوروں کی غیر قانونی ذبح کو روکنے کا حکم دیا گیا ہے۔ Assam Govt on Sacrificial animals اس کے علاوہ انہوں نے عید کے نام پر اینیمل ٹرانسپورٹ ایکٹ کی خلاف ورزی کرنے والوں کے خلاف سخت کارروائی کا حکم بھی دیا۔
ہدایات میں مزید کہا گیا ہے کہ حکومت ہند نے پہلے ہی اس سلسلے میں ریاستی حکومت کو ہدایات جاری کر دی تھی۔ آسام حکومت نے 4 جولائی 2013 کو ضلع کمشنروں اور پولیس سپرنٹنڈنٹس کو لکھے ایک خط میں اس سلسلے میں بچھڑوں، اونٹوں اور دیگر جانوروں کے غیر قانونی قربانی کو روکنے کی ہدایت جاری کی تھی۔ اس لیے ضروری ہے کہ بقرعید کے نام پر جانوروں کی اسمگلنگ کی روک تھام کے لیے اقدامات کیے جائیں۔
یہ بھی پڑھیں: Assam Cabinet Granted Five Groups of Muslims: آسام میں پانچ مسلم برادری آسامی مسلم کے طور پر تسلیم
قابل ذکر ہے کہ جمعیۃ علماء کے ریاستی صدر مولانا بدرالدین اجمل نے مسلمانوں پر زور دیا ہے کہ وہ اپنے مقدس مذہبی فرائض کو پورا کرنے والے جانوروں کا عید الاضحی کے دوران استعمال کریں لیکن کسی کے جذبات کو مجروح نہ کریں۔ انہوں نے ایک بیان میں کہا کہ بھارت مختلف نسلوں اور مذاہب کے لوگوں کا ملک ہے۔ اس ملک کے زیادہ تر لوگ سناتن دھرم کے پیروکار ہیں۔ سناتن دھرم میں گائے کی پوجا کی جاتی ہے۔ اس ملک میں لوگوں کی اکثریت گائے کو ماں مانتی ہے۔ 2008 میں بھارت کے سب سے بڑے اسلامی ادارے دارالعلوم دیوبند نے عیدالاضحیٰ کے دوران گائے کی قربانی نہ کرنے کی اپیل کی تھی۔
