مرکزی ریزرو پولیس فورس (سی آر پی ایف) کے پچپن سالہ انسپکٹر حسین کا کورونا وائرس کی وجہ سے منگل کے روز انتقال ہوگیا۔
وزیرداخلہ امت شاہ نے حسین کی موت پر اظہار تعزیت کرتے ہوئے ٹوئٹ کرکے خراج عقیدت پیش کیا اور کہا کہ ملک کی خدمت اور داخلی سلامتی کے لیے ان کا تعاون ہم سب اہل وطنوں کو ترغیب دیتا ہے‘‘۔
وزیر داخلہ نے لکھا کہ ’’کورونا انفیکشن سے لڑ رہے سب انسپکٹر اکرام حسین کے انتقال کی اطلاع سے کافی غمگین ہوں۔ وہ آخری وقت تک کورونا وبا سے بہادری کے ساتھ لڑتے رہے۔ ملک کی خدمت اور داخلہ سکیورٹی کے لئے ان کا تعاون ہم سبھی اہل وطنوں کو ترغیب دیتا رہے گا‘‘۔
انہوں نے لکھا ’’میں نے پرسوں ہی سب انسپکٹر کے اہل خانہ سے فون پر بات کرکے ان کا حال چال معلوم کیا تھا۔ ملک کے ایک بہادر جوان کو کھونا ہم سب کے لیے ایک ناقابل تلافی نقصان ہے۔ میں ان کے گھروالوں کے تئیں تعزیت کا اظہار کرتا ہوں۔ دکھ کی اس گھڑی میں پورا ملک اور مرکزی حکومت ان کے خاندان کے ساتھ کھڑا ہے‘‘۔
اس سے قبل سی آر پی ایف نے اطلاع دی تھی کہ فورس کے ایک جوان ، جنہیں گزشتہ ہفتے کورونا وائرس مثبت پایا گیا تھا اور دہلی کے ایک ہسپتال میں داخل تھے، ان کا انتقال ہوگیا ہے۔
