یہ واقعہ ریاست آندھرا پردیش کے ضلع کرنول میں پیش آیا۔ ضلع کے پاتی کونڈہ منڈل کے مری منو تانڈہ کے رہنے والا نوجوان حیدرآباد کے ایک پرائیویٹ ہسپتال میں ملازمت کرتا تھا۔ اس نے کورونا وائرس کی طبی جانچ کروائی تاہم اس کی رپورٹ آنے سے پہلے ہی اس کی شادی اس ماہ کی 10 تاریخ کو ویلدورتی منڈل کے ایل تانڈہ کی رہنے والی لڑکی سے ہوئی۔
اسی رات استقبالیہ پروگرام میں دلہے کی صحت خراب ہوگئی۔ اسی وقت اس کے کورونا سے مثبت پائے جانے کی اطلاع ملی جس کے بعد عہدیداروں نے اس نوبیاہتا جوڑے کو پاتی کونڈہ منتقل کردیا۔
اس تقریب میں شرکت کرنے والے رشتہ داروں اور نئے جوڑے کے ساتھ کھانا کھانے والوں کی نشاندہی کرتے ہوئے عہدیداروں نے اس علاقہ کو کنٹینمنٹ زون میں تبدیل کردیا۔ ساتھ ہی 70 خاندانوں سے مختلف نمونے حاصل کیے گئے۔
