ضلع گنٹور کے منگل گری کے وائی ایس آرکانگریس رکن اسمبلی اے راماکرشنا ریڈی کے دفتر سے 10 لاکھ روپئے کی رقم چوری کرلی گئی۔
اطلاعات کے مطابق نامعلوم افراد رکن اسمبلی ریڈی کے دفتر میں داخل ہوئے اور رات دیر گئے یہ واردات انجام دی۔
یہ رقم فلاحی اسکیمات پر عمل کے سلسلہ میں ان کے دفتر میں رکھی گئی تھی۔ چوری کی واردات کا علم ہوتے ہی رکن اسمبلی نے فوری طورپر پولیس کو چوکس کیا جو مقام واقعہ پر پہنچی اور اس سلسلہ میں ایک معاملہ درج کرکے جانچ شروع کردی۔
بتایاجاتا ہے کہ پولیس نے اس خصوص میں ایک مشتبہ شخص کو حراست میں بھی لے لیا ہے جس سے پوچھ گچھ کی جارہی ہے۔
