وجئے واڑہ: 1,400 مسافر شمال مشرقی ریاستوں کے لیے روانہ

آندھراپردیش کے جی ڈی پی گوتم سوانگ نے شمال مشرقی ریاستوں میں رہنے والے مزدوروں کے لیے شرامک ایکسپریس خصوصی ٹرین کو روانہ کیا جس میں ایک ہزار 400 مسافر سوار تھے۔

بھارتی ریلوے کے مطابق 25 مئی تک 3,274 شرامک اسپیشل ٹرینیں چلائی جاچکی ہیں جبکہ ان کے ذریعہ 44 لاکھ مسافر اپنی آبائی ریاستوں کو پہنچے ہیں۔

ایک اور اطلاع کے مطابق 25 مئی کے روز 223 شرامک خصوصی ٹرینیں چلائی گئیں جن میں دو لاکھ 80 ہزار مسافرین نے سفر کیا۔

مرکزی حکومت کی جانب سے مختلف ریاستوں میں لاک ڈاون کی وجہ سے پھنسے مائگرینٹ مزدور، طلبا سیاحوں سمیت دیگر شہریوں کو ان کے آبائی مقامات کو پہنچانے کےلیے شرمک خصوصی ٹرینیں چلائی جارہی ہیں۔